Wasifu: Jokate Mwegelo

Jokate Mwegelo
Amezaliwa	Jokate Urban Mwegelo 20 Machi 1987 (umri 31)
Utaifa Majina mengine	MTanzania Jojo Kidoti
Mhitimu	Chuo Kikuu cha Dar Es Salaam(Shahada ya Sayansi ya Siasa)
Kazi yake	Mwigizaji, mjasiriamali, mtangazaji, mwimbaji, mwanasiasa

Jokate Mwegelo ni mwigizaji wa filamu, mjasiriamali, mtangaziji, mwimbaji na mwanasiasa kutoka nchini Tanzania. Kwenye mwezi Julai 2018 aliteuliwa na rais John Magufuli kuwa mkuu wa wilaya ya Kisarawe.

Jokate vilevile alikuwa mtangazaji na mwimbaji halafu Afisa Mtendaji Mkuu wa kampuni ya Kidoti Company.

Mwaka wa 2011, alishinda tuzo ya Zanzibar International Film Festival akiwa kama mwigizaji filamu bora wa kike. Mwaka wa 2017, Mwegelo aliingizwa katika jarida la Forbes katika Forbes 30 Under 30 kutoka Afrika.

Maisha ya awali na elimu

Mwegelo alizaliwa tarehe 20 Machi 1987, huko mjini Washington, D.C, ambapo wakati huo wazazi wake walikuwa wanafanya kazi.

Alikulia jijini Dar es Salaam, Tanzania. Alianza elimu ya msingi katika shule ya Olympio Primary School na baadaye St. Anthony High School, halafu Loyola High School, Dar es Salaam.

Alihitimu katika Chuo Kikuu cha Dar Es Salaam, ambapo alipata shahada ya sayansi ya siasa na falsafa.

Miss Tanzania 2006

Alikuwa mshindi wa pili katika shindano la Miss Tanzania mwaka 2006. Vilevile alipewa jina la balozi wa Redds fashion na balozi wa gazeti la Citizen, baada ya kupata kura nyingi mwaka huo.

Kabla ya Miss Tanzania, alishindana katika Miss Kurasini 2006, shindano ambalo alishinda, kisha kuelekea juu zaidi na kuwa Miss Temeke 2006, ambako pia alishinda.

kazi

Kuigiza

Mwaka wa 2007, alipata kucheza filamu yake ya kwanza iliyojulikana kwa jina la Fake Pastors, akiwa na Vincent Kigosi, Lisa Jensen, mshindi wa tatu wa Miss Tanzania 2006 na marehemu Adam Kuambiana.

Mwaka wa 2008, amecheza katika filamu ya From China With True Love

Mwaka wa 2010, alionekana katika filamu ya Chumo, filamu iliyoandaliwa na Media for Development International, kuhusu elimu juu ya ugonjwa wa malaria. Filamu hii ilimwezesha kupata tuzo ya Zanzibar International Film Festival akiwa kama mwigizaji bora wa kike kwa 2011 na kuchaguliwa kama mwigizaji wa Pan-Afrika katika tuzo za 2012 Nigeria Entertainment Awards.

Vilevile amepata kuonekana katika mfululizo wa TV maarufu wa Siri Ya Mtungi, uliokuwa unaandaliwa na Jordan Riber na kuongozwa na Karabani, mnamo 2013. Mwaka wa 2014, amecheza uhusika wa "Ndekwa" katika filamu ya Mikono Salama, ambayo ilimpelekea apate tuzo nyingine ya Zanzibar International Film Festival akiwa mwigizaji bora wa kike kwa filamu za Kiswahili.

Kampuni ya Kidoti

Muziki

Alishirikishwa katika wimbo wa Japo Nafasi wa Cpwaa akiwa na A.Y. katika wimbo wa Kings and Queen, na Amani, kutoka Kenya. Mwaaka wa 2013, alitoa wimbo wake akiwa na Lucci, uliyoitwa 'Kaka na Dada. Mwaka wa 2015m, akadondosha wimbo wake mwingine uliyoitwa Leo akiwa na mwimbaji mwingine kutoka nchini Nigeria maarufu kama Ice Prince.

Siasa

Jokate hakujulikana kujishughulisha na siasa hadi mwaka 2017 alipoteuliwa na Umoja wa Vijana wa chama cha CCM(UVCCM) kuongoza Idara ya Uahamasishaji na Chipukizi ya umoja huu akiwa kaimu katibu wa idara hii. Yeye mwenyewe alitaja maarifa ya utoto wake alipohamasishwa na bibi yake aliyekuwa mwasisi wa Umoja wa Walimu Tanzania katika Mkoa wa Rukwa kuona ni muhimu kujitoa katika jamii na kuchukua nafasi za uongozi.  Wakati ule magazeti yalileta taarifa kuwa uteuzi wake ulipingwa na sehemu ya viongozi wa umoja huu.

Kwenye mwezi wa Machi 2018 aliondolewa katika nafasi hii kwa azimio la kamati kuu ya UVCCM.

Mwisho wa mwezi wa Julai 2018 aliteuliwa na rais Magufuli kuwa Mkuu wa Wilaya ya Kisarawe, uteuzi ambao ulileta cheche nyingi katika uwanja wa mitandao nchini Tanzania. Wapo waliobeza uteuzi huo, wapo waliosifia. Wengine waliweka picha zake za zamani zilizokuwa hazina maadili ili kukebehi uteuzi huo.

Filamu

• Movies

Mwaka	Filamu	Uhusika	Washiriki
2007	Fake Pastors	Jackie	Vincent Kigosi, Adam Kuambiana, Lisa Jensen na Ahmed Ulotu
2008	From China With Love		Vincent Kigosi, Blandina Chagula, Suzan Lewis na Aileen Francisco
2011	Chumo	Amina	Yusuph Mlela, Hussein Mkiety (Sharobaro)
2014	Mikono Salama	Ndekwa	Jacob Steven, Single Mtambalike na Irene Uwoya

• Mfululizo wa TV

Mwaka	Mfululizo	Uhusika	Maelezo
2013-2014	Siri Ya Mtungi Msimu wa 2	Mwanamitindo

Diskografia

• 2013

Kaka Dada akiwa na Lucci

• 2015

Leo Leo akiwa Ice Prince

Awards and nominations

Year	Event	Prize	Recipient	Result
2008	Ijumaa Sexiest Girl	Sexiest Girl	Herself	Won
2011	Zanzibar International Film Festival	Best Actress	Chumo	Won
2012	2012 Nigeria Entertainment Awards	Pan African Actress Of The Year	Chumo	Nominated
2013	Swahili Fashion Week Awards	Female Stylish Personality Award	Herself	Won
	Under30 Youth Awards	Fashion Category	Herself	Won
2015	Zanzibar International Film Festival	Best Actress Swahili Films	Mikono Salama	Won
	Swahili Fashion Week Awards	Baileys Female Stylish Personality	Herself	Won
2017	Clouds Fm Malkia Wa Nguvu Awards	Business Innovation	Herself	Won
	Africa Youth Awards	Enterpreneur Of The Year	Herself	Nominated
		Startup Of The Year	Kidoti Company	Nominated

Marejeo

https://sw.wikipedia.org/wiki/Jokate_Mwegelo

https://en.wikipedia.org/wiki/Jokate_Mwegelo
https://www.timheaven.com/2018/02/historia-fupi-ya-maisha-ya-jokate.html